Þjónustumiðstöð fyrir alla

Á Sléttunni er starfrækt þjónustumiðstöð, með opnu félags- og tómstundastarfi, sem er ein af hverfismiðstöðvum Reykjavíkurborgar. Þjónustumiðstöðin er opin alla daga vikunnar og þar er í boði ýmis þjónusta.

Hátt þjónustustig á Sléttunni

Með því að samnýta aðstöðu hjúkrunarheimilis, þjónustumiðstöðvar og leiguíbúða er mögulegt að auka framboð af þjónustu og afþreyingu fyrir eldra fólk í hverfinu.

Á Sléttunni er stefnt að því að gefa eldra fólki tækifæri til að blómstra með þátttöku í félagslífi um leið og því gefst kostur á fjölbreyttri þjónustu í nánasta umhverfi sínu. Takmarkið er að lífsgæðakjarninn verði að akkeri í hverfinu, þangað sem fólk getur sótt sér þjónustu, félagsskap og afþreyingu af ýmsu tagi.

Húsið er opið öllum og í boði er fjölbreytt dagskrá og viðburðir þar sem leitast er eftir því að sníða starfið að áhugasviði sem flestra. Sérstaklega er reynt að styðja við sjálfsprottna áhugahópa og veita þeim aðstöðu.

Matarþjónusta

Á Sléttunni er veitingasalur þar sem boðið er upp á hádegismat. Matseðillinn er birtur hérna.

Verslun og móttaka

Hægt er að nálgast helstu nauðsynjavörur í verslun þjónustumiðstöðvarinnar en þar er einnig móttaka þar sem hægt er að fá upplýsingar sem varða Sléttuna. Síminn í móttökunni er 585 3210.

Kaffihús

Í þjónustumiðstöðinni er notalegt kaffihús, þar sem tilvalið er að setjast niður og fá sér kaffibolla og veitingar. Kaffihúsið er opið til kl.17:00 alla daga.

Viðburðir og uppákomur

Í boði er fjölbreytt dagskrá og viðburðir þar sem leitast er eftir því að sníða starfið að áhugasviði sem flestra. Sérstaklega er reynt að styðja við sjálfsprotna áhugahópa og veita þeim aðstöðu. Hér birtist dagskráin.

Röstin Dagdvöl

Í þjónustumiðstöðinni er dagdvölin Röstin. Dagdvölin er ætluð þeim sem eru 67 ára eða eldri og búa í Reykjavík. Sími 585 3215.

Hárgreiðslu- og fótaaðgerðastofa

Í þjónustumiðstöðinni er hárgreiðslustofa og fótaaðgerðastofa.

Tunglið hársnyrtistofa. Tímapantanir í síma 585 3219 / 848 8920

Fótaaðgerðastofa. Tímapantanir í síma 585 3218 / 899-9607

Heilsulind

Fullkomin aðstaða til heilsuræktar verður innan þjónustumiðstöðvarinnar en þar munu gestir geta stundað líkamsrækt, slappað af og átt notalega stund.

Útivistarsvæði og gönguleiðir

Fyrir utan þjónustumiðstöðina er fallegt útivistarsvæði og fjölbreyttar gönguleiðir sem henta þeim sem vilja eiga góða stund í fallegu umhverfi.